കേരളാ ബ്ലാസ്‌റ്റേഴ്‌സ് താരം സഹല്‍ അബ്ദുള്‍ സമദ് ക്ലബ് വിട്ടു. കൊല്‍ക്കത്തന്‍ ക്ലബായ മോഹന്‍ ബഗാന്‍ സൂപ്പര്‍ ജയന്റ്‌സിലേക്കാണ് താരം പോവുക. ഇക്കാര്യം കേരളാ ബ്ലാസ്‌റ്റേഴ്‌സ് സ്ഥിരീകരിച്ചു. പകരം ബഗാന്‍ ക്യാപ്റ്റന്‍ പ്രീതം കോട്ടാലിനെ കേരളാ ബ്ലാസ്‌റ്റേഴ്‌സിന് കൈമാറും.
രണ്ടര കോടി രൂപയാണ് മോഹന്‍ ബഗാന്‍ സൂപ്പര്‍ ജയന്റ്‌സില്‍ പ്രതിഫലം എന്നാണ് വിവരം. മുന്നോട്ടുള്ള യാത്രയില്‍ നന്മ നേരുന്നു കേരള ബ്ലാസ്‌റ്റേഴ്‌സ് പുറത്തിറക്കിയ വാര്‍ത്താക്കുറിപ്പില്‍ പറഞ്ഞു. 2017 മുതല്‍ ബ്ലാസ്‌റ്റേഴ്‌സ് നിരയിലുള്ള സഹല്‍ 2 വര്‍ഷം കൂടി കരാര്‍ ബാക്കി നില്‍ക്കെയാണു ടീം വിടുന്നത്.