ക്രിക്കറ്റ് ഇതിഹാസം സച്ചിന്‍ ടെണ്ടുല്‍ക്കരെ കുറിച്ച് ഗുജറാത്തിലെ സ്‌കൂള്‍ വിദ്യാര്‍ത്ഥികള്‍ക്കുള്ള പരീക്ഷ ചോദ്യപേപ്പര്‍ വൈറല്‍. മൂന്നാം ക്ലാസിലെ കുട്ടികള്‍ക്കുള്ള ചോദ്യപേപ്പറിലാണ് നാണം കെടുന്ന രീതിയിലുള്ള പിശക് പറ്റിയത്.
സച്ചിന്‍ ടെണ്ടുല്‍ക്കര്‍ ഏത് കായിക ഇനത്തിലെ കളിക്കാരനാണ് എന്നാണ് ചോദ്യം. ഗുജറാത്തി ഭാഷയിലാണ് ചോദ്യം. എന്നാല്‍ ഇതിന്റെ ഓപ്ഷനിലാണ് വലിയ പിശക് പറ്റിയത്. ഹോക്കി, കബഡി, ഫുട്ബോള്,ചെസ്സ് എന്നിങ്ങനെയാണ് ഓപ്ഷനുകള്‍.
ലോകത്തിലെ തന്നെ ഏറ്റവും മികച്ച ക്രിക്കറ്റ് താരങ്ങളില്‍ ഒരാളായ സച്ചിന്‍ ടെണ്ടുല്‍ക്കറെ തിരിച്ചറിയാനാകാത്തത് വലിയ രീതിയിലുള്ള പരിഹാസങ്ങള്‍ക്ക് വഴി വച്ചിട്ടുണ്ട്.