ന്യൂഡല്‍ഹി- കൈക്കൂലി വാങ്ങിയതിന് പിന്നാലെ വിജിലന്‍സ് പിടിയിലായ പൊലീസുകാരന്‍ പണം വിഴുങ്ങി രക്ഷപ്പെടാന്‍ ശ്രമം. ഹരിയാനയിലെ ഫരീദാബാദിലാണ് സംഭവം. സബ് ഇന്‍സ്‌പെക്ടറായ മഹേന്ദ്ര ഉല എന്ന പൊലീസുകാരനാണു പോത്തുമോഷണക്കേസില്‍ കൈക്കൂലി വാങ്ങിയത്. വിവരമറിഞ്ഞ് വിജിലന്‍സ് എത്തിയതോടെ ഇയാള്‍ കൈക്കൂലി വാങ്ങിയ പണം വിഴുങ്ങി രക്ഷപ്പെടാന്‍ ശ്രമിക്കുകയായിരുന്നു.
ഇതിന്റെ വിഡിയോ സമൂഹമാധ്യമങ്ങളില്‍ പ്രചരിക്കുന്നുണ്ട്. വിജിലന്‍സ് ഉദ്യോഗസ്ഥര്‍ പൊലീസുകാരന്റെ വായില്‍ കൈകടത്തി പണം എടുക്കാന്‍ ശ്രമിക്കുന്നതും വിഡിയോയില്‍ കാണാം.
പോത്തുമോഷണക്കേസുമായി ബന്ധപ്പെട്ടു പ്രതിയെ കസ്റ്റഡിയിലെടുക്കാന്‍ ഇയാള്‍ ഉടമസ്ഥനായ ശുഭനാഥ് എന്നയാളില്‍നിന്നും 10,000 രൂപ കൈക്കൂലി ആവശ്യപ്പെട്ടിരുന്നു. 6,000 രൂപ ഇതിനകം കൈക്കൂലി നല്‍കിയ ഇയാള്‍ ബാക്കി തുക നല്‍കുന്നതിന് മുമ്പ് വിജിലന്‍സിനെ വിവരം അറിയിക്കുകയായിരുന്നു.തുടര്‍ന്നാണ് വിജിലന്‍സ് പരിശോധ.