സംസ്ഥാന വനിതാ ശിശു വികസന വകുപ്പിന് കീഴിലുള്ള അങ്കമാലി കറുകുറ്റിയിലെ ശിശുഭവനില്‍ ആര്‍ എസ് വൈറസ് ബാധ. മെഡിക്കല്‍ കോളേജില്‍ അഞ്ച് കുഞ്ഞുങ്ങളാണ് നിലവില്‍ ആര്‍ എസ് വൈറസ് ബാധ മൂലം ചികിത്സയിലുള്ളത്. അതില്‍ നാല് മാസം പ്രായമുള്ള കുഞ്ഞിന്റെ നില ഗുരുതരമാണ്. രണ്ടാഴ്ചയിലധികമായി കുട്ടികള്‍ ആശുപത്രിയില്‍ ചികിത്സയിലാണ്.
രോഗ ബാധയുടെ കാരണം അധികൃതര്‍ വ്യക്തമാക്കിയിട്ടില്ല. വിഷയത്തെക്കുറിച്ച് ഇതുവരെ ശിശുവകുപ്പ് ഔദ്യോഗിക അറിയിപ്പുകള്‍ നല്‍കിയിട്ടില്ല.
18 മാസത്തില്‍ താഴെയുള്ള കുഞ്ഞുങ്ങളെയാണ് രോഗം ബാധിക്കുന്നത്. മൂക്കൊലിപ്പ്, പനി, ശ്വാസ തടസം, വലിവ് എന്നിവയാണ് ആര്‍ എസ് വൈറസിന്റെ ലക്ഷണങ്ങള്‍. ചില കുഞ്ഞുങ്ങളില്‍ ന്യുമോണിയയ്ക്ക് സമാനമായ ലക്ഷണങ്ങളും പ്രകടമാകാറുണ്ട്. ആന്റിജന്‍ ടെസ്റ്റ്, മോളിക്യുളാര്‍ ടെസ്റ്റ്, റാപിഡ് ടെസ്റ്റ് എന്നിവയിലൂടെയാണ് ആര്‍ എസ് വൈറസ് രോഗം സ്ഥിരീകരിക്കുന്നത്. ഒരിക്കല്‍ രോഗം വന്നവര്‍ക്ക് വീണ്ടും രോഗം വന്നാല്‍ ശക്തി കുറയും.