ഹെയ്തിയിൽ ഗുണ്ടാസംഘങ്ങളുടെ കലാപം; ജയിലുകളിൽ നിന്ന് 4000 തടവുകാർ രക്ഷപ്പെട്ടു, അടിയന്തരാവസ്ഥ

 ഹെയ്തിയിൽ ഗുണ്ടാസംഘങ്ങൾ നടത്തിയ കലാപത്തെ തുടർന്ന് രാജ്യത്തെ പ്രധാനപ്പെട്ട രണ്ട് ജയിലുകളിൽ നിന്ന് രക്ഷപ്പെട്ടത് നാലായിരത്തിലധികം തടവുപുള്ളികൾ.

രാജ്യത്തെ നടുക്കിയ കലാപത്തിന് പിന്നാലെ സർക്കാർ അടിയന്തരാവസ്ഥ പ്രഖ്യാപിച്ചു. ആക്രമണത്തിൽ രക്ഷപ്പെട്ട കൊലയാളികൾ ഉൾപ്പെടെയുള്ള ക്രിമിനലുകളെ പിടികൂടാനാണ് 72 മണിക്കൂർ നീണ്ട അടിയന്തരാവസ്ഥ പ്രഖ്യാപിച്ചതെന്ന് സർക്കാർ അറിയിച്ചു. രാജ്യത്തുടനീളം കർഫ്യൂ നിലവിൽ വന്നിട്ടുണ്ട്.