ന്യൂസീലാന്‍ഡ് പ്രധാനമന്ത്രിക്ക് പിറകെ സ്‌കോട്‌ലാന്‍ഡ് പ്രധാനമന്ത്രിയായ വനിതയും രാജിവെച്ചു. രാഷ്ട്രീയം ‘ മൃഗീയമാണെന്നാണ് രാജിക്ക് കാരണമായി പറയുന്നത്. എന്റെ ഭാവിയെക്കുറിച്ച് കുറച്ചുകാലമായി ഞാന്‍ ചിന്തിക്കുകയായിരുന്നു. ”പുതിയ രാഷ്ട്രീയത്തില്‍ വളരെ തീവ്രമായി ഇടപെടണം. അതായത് മൃഗീയമായി.”അവര്‍ രാജി പ്രഖ്യാപിച്ചുകൊണ്ടുള്ള വാര്‍ത്താസമ്മേളനത്തില്‍ അറിയിച്ചു. ഫസ്റ്റ് മിനിസ്റ്റര്‍ അഥവാ പ്രൈം മിനിസ്റ്റര്‍ ആണ് നിക്കോള സ്റ്റര്‍ജിയോണ്‍.കഴിഞ്ഞ എട്ടുവര്‍ഷമായി രാജ്യത്തിന്റെ പ്രധാനമന്ത്രിയായി പ്രവര്‍ത്തിച്ചുവരികയായിരുന്നു നിക്കോള. ന്യൂസീലാന്‍ഡിലും സമാനമായി ജസീന്ത ആര്‍ദേന്‍ രാജിവെക്കുകയായിരുന്നു കഴിഞ്ഞമാസം.
രാജിവെച്ചെങ്കിലും പുതിയ പ്രധാനമന്ത്രി പദവിയേല്‍ക്കുംവരെ തുടരുമെന്ന് നിക്കോള അറിയിച്ചു. രാജ്യത്ത് വലിയ ഞെട്ടലാണ് നിക്കോളയുടെ രാജി ഉയര്‍ത്തിവിട്ടിരിക്കുന്നത്.