നോട്ട് നിരോധനം, ജിഎസ്ടി, കര്‍ഷക ആത്മഹത്യ, പണപ്പെരുപ്പം, രൂപയുടെ ഇടിവ്, ഇന്ധന വില വര്‍ദ്ധന, വര്‍ഗീയത, ആള്‍ക്കൂട്ടക്കൊല തുടങ്ങിയ ദുരിതങ്ങള്‍ക്ക് സാക്ഷ്യം വഹിച്ച കഴിഞ്ഞ അഞ്ച് വര്‍ഷത്തെ മോദി ഭരണത്തിനെതിരെ സോഷ്യല്‍ മീഡിയയില്‍ വന്‍ കാംപൈനിങ്. റിമെമ്പര്‍ മീ വെന്‍ യു വോട്ട് എന്ന ഹാഷ് ടാഗ് ഉയര്‍ത്തിയാണ് ട്വിറ്റര്‍, ഇന്‍സ്റ്റഗ്രാം, ഫെയ്‌സ്ബുക്ക് തുടങ്ങിയ സാമൂഹ്യമാധ്യമങ്ങളില്‍ വന്‍ ഭരണവിരുദ്ധ വികാരം ഉയരുന്നത്. ഇതിനകം ട്വിറ്ററില്‍ ട്രെന്റായി കഴിഞ്ഞു.
മോദി ഭരണ കാലത്ത് നടന്ന വിവിധ ദുരിതങ്ങളുടെ ചിത്രങ്ങളില്‍ റിമെമ്പര്‍ മീ വെന്‍ യു വോട്ട് കുറിച്ച പോസ്റ്ററുകളാക്കിയാണ് സോഷ്യല്‍ മീഡിയയില്‍ ബിജെപി സര്‍ക്കാറിനെതിരെ ജനവിരുദ്ധ വികാരം ഉയര്‍ന്നിരിക്കുന്നത്. പൊതുതെരഞ്ഞെടുപ്പിന് മുന്നോടിയായി രാഷ്ട്രീയഭേദമന്യേ ഭരണവിരുദ്ധ വികാരം ഉയര്‍ന്നത് സര്‍ക്കാറിന് തിരിച്ചടിയായിരിക്കുകയാണ്.