കോഴിക്കോട്: സഊദിയിലേക്കുള്ള പ്രവാസികള്‍ക്ക് വിസ സ്റ്റാമ്പിംഗ് ഇനി കോഴിക്കോട്ടും സാധ്യം. സഊദി വിസ സ്റ്റാമ്പിംഗ് ഏജന്‍സിയായ വി.എഫ്.എസ് (വിസ ഫെസിലിറ്റേഷന്‍ സെന്റര്‍) ഗ്ലോബല്‍ മുഖേനയാണ് കോഴിക്കോട്ടെ കേന്ദ്രം പ്രവര്‍ത്തിക്കുക. വിസ സ്റ്റാമ്പിംഗിന് അപേക്ഷ സമര്‍പ്പിക്കുന്ന വെബ്സൈറ്റിലാണ് കൊച്ചിക്ക് പുറമെ കോഴിക്കോട്ടും പുതിയ കേന്ദ്രം അനുവദിച്ച് ലിസ്റ്റ് ചെയ്തത്. കൊച്ചി വി.എഫ്.എസ് കേന്ദ്രത്തിന് കീഴിലായാണ് കോഴിക്കോട്ടെ കേന്ദ്രം പ്രവര്‍ത്തിക്കുക. ഈ കേന്ദ്രം വഴിയുള്ള സ്ളോട്ട് ബുക്കിംഗ് ഉടനെ തുടങ്ങുമെന്നാണ് വിവരം.
സഊദി വിസകള്‍ക്ക് അപേക്ഷിക്കുന്നതിനുള്ള ്‌ര.മേവെലലൃ.രീാ എന്ന വെബ്സൈറ്റിലാണ് കോഴിക്കോട്ട് കേന്ദ്രം കൂടി ഉള്‍പ്പെടുത്തിയത്. കോഴിക്കോട് കേന്ദ്രത്തില്‍ നിന്നുള്ള ബുക്കിംഗ് സ്ളോട്ടുകള്‍ കോണ്‍ഫിഗര്‍ ചെയ്തിട്ടില്ല.വൈകാതെ സ്ളോട്ടുകള്‍ ലഭ്യമാകുമെന്നാണ് വിവരം.