കൊച്ചി: സപ്ലൈകോ ഹൈപര്‍മാര്‍ക്കറ്റുകളിലും പീപ്പിള്‍സ് ബസാറുകളിലും സബ്‌സിഡി സാധനങ്ങളുടെ ബില്ല് അടിക്കുമ്പോള്‍ റേഷന്‍ കാര്‍ഡ് നമ്പര്‍ അടിക്കുന്നതിനുപകരം ബാര്‍കോഡ് സ്‌കാന്‍ ചെയ്യാന്‍ നിര്‍ദേശം. ബുധനാഴ്ച മുതലാണ് ഈ പരിഷ്‌കാരം.
നമ്പര്‍ എന്റര്‍ ചെയ്യുമ്പോള്‍ തെറ്റുകള്‍ വരാനുള്ള സാധ്യത കുറക്കുന്നതിനാണിത്. ഉപഭോക്താക്കളുടെ അറിവോ സമ്മതമോ ഇല്ലാതെ റേഷന്‍ കാര്‍ഡ് നമ്പര്‍ എന്റര്‍ ചെയ്ത് സബ്‌സിഡി ദുരുപയോഗം സംബന്ധിച്ച് പരാതികള്‍ ഉയര്‍ന്ന സാഹചര്യത്തിലാണ് ബാര്‍കോഡ് സ്‌കാന്‍ സംവിധാനം ഏര്‍പ്പെടുത്തുന്നത്.