കോഴിക്കോട് പന്തീരങ്കാവില്‍ കൂട്ടബലാത്സംഗം. 22 കാരിയെ ജ്യൂസില്‍ ലഹരിമരുന്ന് കലര്‍ത്തി പീഡിപ്പിച്ചെന്നാണ് പരാതി. സംഭവത്തില്‍ പൊലീസ് ചേവായൂര്‍ സ്വദേശികാളായ മൂന്നുപേരെ കസ്റ്റഡിയിലെടുത്തു. കേസില്‍ ഉള്‍പ്പെട്ട ഒരാള്‍ക്കായി തിരച്ചില്‍ ഊര്‍ജിതമാക്കിയിട്ടുണ്ട്. രണ്ടുദിവസം മുമ്പാണ് പൊലീസില്‍ പരാതി ലഭിക്കുന്നത്. സോഷ്യല്‍മീഡിയ വഴി പ്രതികളിലൊരാള്‍ യുവതിയുമായി സൗഹൃദം സ്ഥാപിച്ചിരുന്നു. പിന്നീട് കോഴിക്കോട്ടെ ഒരു ഫ്‌ലാറ്റിലെത്തിച്ച് ജ്യൂസില്‍ മയക്കുമരുന്ന് കലര്‍ത്തി കൂട്ട ബലാത്സംഗത്തിന് ഇരയാക്കിയെന്നാണ് യുവതിയുടെ പരാതി. സംഭവത്തില്‍ പ്രതികളെ ചോദ്യം ചെയ്തുവരികയാണ്.