അസമില്‍ 14കാരിയെ തട്ടികൊണ്ടുപോയി കൂട്ടബലാത്സംഗം ചെയ്തു. സംഭവത്തില്‍ രണ്ടുപ്രതികളെ പൊലീസ് അറസ്റ്റ് ചെയ്തു. ഭായിജാന്‍ അലി, സഫര്‍ അലി എന്നിവരാണ് പൊലീസ് പിടിയിലായത്. ലാഹോവാളിലെ ബാബേജിയ ഗ്രാമവാസിയായ പെണ്‍കുട്ടിയാണ് അതിക്രമത്തിന് ഇരയായതെന്ന് കണ്ടെത്തി. ബലാത്സംഗത്തിന് ശേഷം പെണ്‍കുട്ടിയെ ഇവര്‍ കയ്യും കാലും കൂട്ടിക്കെട്ടി തേയില തോട്ടത്തില്‍ ഉപേക്ഷിച്ചു.
ഇന്നലെ രാവിലെയാണ് പെണ്‍കുട്ടിയെ തോട്ടത്തില്‍ നിന്നും കണ്ടെത്തുന്നത്. വെള്ളിയാഴ്ച്ച വൈകീട്ട് കടയില്‍ പോയ പെണ്‍കുട്ടിയെയാണ് പ്രതികള്‍ റോഡില്‍ നിന്നും തട്ടികൊണ്ടുപോയത്. അബോധാവസ്ഥയിലായ പെണ്‍കുട്ടി അസം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പ്രതികള്‍ക്കെതിരെ പോക്‌സോ വകുപ്പുകള്‍ ചുമത്തി കേസ് രജിസ്റ്റര്‍ ചെയ്തതായി ദിബ്രുഗഡ് എസ്പി ശ്വേതാങ്ക് മിശ്ര അറിയിച്ചു.