ചെന്നൈ: തമിഴ് രാഷ്ട്രീയത്തിലേക്ക് പ്രമുഖ നടന്മാരായ രജനീകാന്തും കമലഹാസനും പ്രവേശിക്കുന്നതായ അഭ്യൂഹങ്ങള്‍ക്കിടെ ആരാധകരുമായി വീണ്ടും കൂടിക്കാഴ്ചയ്‌ക്കൊരുങ്ങി സൂപ്പര്‍ സ്റ്റാര്‍ രജനീകാന്ത്.
കോടമ്പാക്കത്തുള്ള രാഘവേന്ദ്ര കല്യാണ മണ്ഡപത്തില്‍ വെച്ച് ഈ മാസം 26 മുതല്‍ 31 വരെയാവും രജനികാന്ത് ആരാധകരെ കാണുക. രാവിലെ എട്ടു മുതല്‍ ഉച്ചതിരിഞ്ഞ് മൂന്നുവരെയാണ് കൂടിക്കാഴ്ചയെന്നാണ് വിവരം.
തന്റെ പിറന്നാള്‍ ദിനമായ ഡിസംബര്‍ 12ന് ആരാധകരെ കാണാന്‍ രജനി കൂട്ടാക്കിയിരുന്നില്ല. ഇതിനു പകരമായാവും പുതിയ കൂടിക്കാഴ്ച. നേരത്തേ മെയ് മാസത്തില്‍ ആരാധകരുമായി അദ്ദേഹം സമാനമായ കൂടിക്കാഴ്ച നടത്തിയിരുന്നു.
ഈ ആരാധകസംഗമത്തിലാണ് രജനി രാഷ്ട്രീയ പ്രവേശനത്തിനുള്ള സൂചന നല്‍കിയിരുന്നത്. ‘ദൈവഹിതമുണ്ടെങ്കില്‍ താന്‍ രാഷ്ട്രീയത്തിലെത്തുമെന്നും ആര്‍ക്കും തടയാന്‍ സാധിക്കില്ലെന്നു’മായിരുന്നു രജനിയുടെ പ്രഖ്യാപനം