തിരുവനന്തപുരം: സംസ്ഥാനത്ത് അടുത്ത നാലു ദിവസം കൂടി ശക്തമായ മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം. ഇന്നലെയാണ് കേരളാ തീരത്ത് തെക്കു പടിഞ്ഞാറന്‍ മണ്‍സൂണ്‍ മഴ പെയ്തു തുടങ്ങിയത്. കടുത്ത വരള്‍ച്ചക്ക് ആശ്വാസവും സംഭരണികളിലെ ജലനിരപ്പിന്റെ നേരിയ തോതിലുള്ള ഉയര്‍ച്ചക്കും മണ്‍സൂണ്‍ മഴ കാരണമായിരിക്കുകയാണ്. അതേസമയം വടക്കന്‍ കേരളത്തില്‍ മഴ സജീവമായിട്ടില്ല.
മണിക്കൂറില്‍ 60 കിലോമീറ്റര്‍ വരെയുള്ള കാറ്റിനു സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്‍കുന്നുണ്ട്.