വിദേശത്തെ രാഹുൽ ഗാന്ധിയുടെ പ്രസ്താവനകൾ പരിശോധിക്കാൻ പ്രത്യേക സമിതി രൂപീകരിക്കണമെന്ന് ആവശ്യപെട്ടാണ് ബി.ജെ.പി എംപി നിഷികാന്ത് ദുബെ സ്പീക്കർക്ക് കത്ത് നൽകിയിരിക്കുന്നത്. യൂറോപ്പിലും അമേരിക്കയിലും നടത്തിയ പരാമർശങ്ങളിലൂടെ പാർലമെന്റിന്റെയും രാജ്യത്തിന്റെയും അന്തസ്സിന് തുടർച്ചയായി കളങ്കമുണ്ടാക്കിയെന്നും അതിനാൽ രാഹുൽ ഗാന്ധിയെ പാർലമെന്റിൽ നിന്നും പുറത്താക്കണമെന്നുമാണ് ബി.ജെ.പി ആവശ്യപ്പെടുന്നത്.
കഴിഞ്ഞ നാല് ദിവസമായി എല്ലാ ദിവസവും ഓരോ കേന്ദ്രമന്ത്രിമാർ രാഹുൽ ഗാന്ധിക്കെതിരെയുള്ള പ്രസ്താവനകളുമായി രംഗത്തെത്തിയിരുന്നു.അതേ സമയം പ്രധാനമന്ത്രി നരേന്ദ്രമോദി വിദേശയാത്രകളിൽ രാജ്യത്തിന്റെ നേട്ടങ്ങളെ പലപ്പോഴും ഇകഴ്ത്തി സംസാരിച്ചിട്ടുണ്ടെന്ന് പറഞ്ഞാണ് കോൺഗ്രസിന്റെ പ്രതിരോധം.തന്നെ അനുവദിക്കുകയാണെങ്കിൽ ബിജെപിയുടെ ആരോപണങ്ങൾക്ക് പാർലമെന്റിൽ മറുപടി നൽകാൻ തയ്യാറാണെന്ന് രാഹുൽഗാന്ധിയും പറഞ്ഞിരുന്നു.