മണിപ്പൂരിലെ ദുരിതാശ്വാസക്യാമ്പുകള്‍ സന്ദര്‍ശിച്ച് രാഹുല്‍ഗാന്ധി. തലസ്ഥാനമായ ഇംഫാലിലെ ക്യാമ്പുകളാണ് കോണ്‍ഗ്രസ് നേതാക്കളായ രാഹുലും കെ.സി വേണുഗോപാലും സന്ദര്‍ശിച്ചത്. അതിന് മുന്നോടിയായി രാഹുലിന്റെ വാഹനവ്യൂഹത്തെ സര്‍ക്കാര്‍ തടഞ്ഞിരുന്നു. തുടര്‍ന്നെ ഹെലികോപ്റ്ററിലാണ് രാഹുലും സംഘവും ക്യാമ്പിലെത്തിയത്. തന്നെ തടഞ്ഞത് നിര്‍ഭാഗ്യകരമാണെന്ന് രാഹുല്‍ പറഞ്ഞു. ചുരാചന്ദ് പൂരിലെ ഗ്രീന്‍ദുരിതാശ്വാസ ക്യാമ്പില്‍ കുട്ടികളോടൊപ്പം ഇരുന്ന് രാഹുല്‍ ഭക്ഷണം കഴിച്ചു. ഇരുഗോത്രവിഭാഗങ്ങളുടെയും ക്യാമ്പുകളില്‍ രാഹുല്‍ സന്ദര്‍ശനം നടത്തി.