ഗോളെന്നുറപ്പിച്ച പെനാല്‍റ്റി തടഞ്ഞ് മെക്സിക്കന്‍ ഗോളി ഗ്വില്ലെര്‍മോ ഒച്ചോവ താരമായ മത്സരത്തില്‍ പോളണ്ടിനെ സമനിലയില്‍ തളച്ച് മെക്സിക്കോ.ഗോള്‍രഹിത സമനിലയിലാണ് മത്സരം അവസാനിച്ചത്.രണ്ടാം പകുതിയുടെ തുടക്കത്തിലാണ് പോളണ്ടിന് പെനാല്‍റ്റി കിക്കെടുക്കാന്‍ അവസരം ലഭിച്ചത്. 54ാം മിനുട്ടില്‍ മെക്സിക്കോയുടെ ഹെക്ടര്‍ മൊറിനോയാണ് ബോക്സില്‍ വെച്ച് ഫൗള്‍ ചെയ്തത്.
വാര്‍ തീരുമാനപ്രകാരമായിരുന്നു പെനല്‍റ്റി. ഹെക്ടറിന് മഞ്ഞക്കാര്‍ഡ് ലഭിച്ചു.പോളണ്ടിന്റെ സൂപ്പര്‍ താരം റോബര്‍ട്ട് ലെവന്‍ഡോസ്‌കിയാണ് പെനാല്‍റ്റി കിക്കെടുത്തത്. എന്നാല്‍, ഗോളി ഒച്ചാവോ ശ്രമം വിഭലമാക്കുകയായിരുന്നു.