ഖത്തര്‍ ലോകകപ്പിനുള്ള ഇംഗ്ലണ്ട് ഫുട്ബോള് ടീമിനെ പ്രഖ്യാപിച്ചു. സൂപ്പര്‍ താരം ജേഡണ്‍ സാഞ്ചോയെ ഒഴിവാക്കിയാണ് കോച്ച് ഗാരെത് സൗത്‌ഗേറ്റ് 26 അംഗ ടീം പ്രഖ്യാപിച്ചത്.വമ്പന്‍ താരനിരയുമായാണ് വീണ്ടും ഇംഗ്ലണ്ട് ലോകകപ്പിലേക്ക് എത്തുന്നത്. ഇരുപത്തിയാറംഗ സംഘത്തെ ഹാരി കെയ്ന്‍ നയിക്കും. ഫില്‍ ഫോഡന്‍, ജാക്ക് ഗ്രീലിഷ്, ജെയിംസ് മാഡിസണ്‍, മാര്‍ക്കസ് റാഷ്ഫോര്‍ഡ്, ബുക്കായോ സാക്ക, റഹീം സ്റ്റെര്‍ലിങ്, കല്ലം വില്‍സണ്‍ എന്നിവരാണ് മുന്നേറ്റനിരയില്‍ ഹാരി കെയ്‌നൊപ്പമുള്ളത്.
യുവതാരം ജൂഡ് ബെല്ലിങ്ങാം, കോണോര്‍ കാല്ലഗര്‍, ജോര്‍ദാന്‍ ഹെന്‍ഡേഴ്സണ്‍, മേസണ്‍ മൗണ്ട്, കാല്‍വിന്‍ ഫിലിപ്സ്, ഡെക്ലാന്‍ റൈസ് എന്നിവരാണ് മധ്യനിരയില്‍. പ്രതിരോധത്തില്‍ ട്രെന്റ് അലക്സാണ്ടര്‍ അര്‍ണോള്‍ഡ്, കോണോര്‍ കോഡി, എറിക് ഡയര്‍, ഹാരി മഗ്വയര്‍, ലൂക്ക് ഷോ, ജോണ്‍ സ്റ്റോണ്‍സ്, കീറണ്‍ ട്രിപ്പിയര്‍, കൈല്‍ വാക്കര്‍, ബെന്‍ വൈറ്റ് എന്നിവര്‍ക്കാണ് അവസരം കിട്ടിയത്. ജോര്‍ദാന്‍ പിക്ക്ഫോര്‍ഡ്, നിക്ക് പോപ്പ്, ആരോണ്‍ റാംസ്ഡേല്‍ എന്നിവര്‍ ഗോള്‍കീപ്പര്‍മാരായും ടീമിലെത്തി.
ജേഡണ്‍ സാഞ്ചോയ്‌ക്കൊപ്പം ടാമി എബ്രഹാമിനും ഇവാന്‍ ടോണിയ്ക്കും ടീമില്‍ ഇടം നേടാനായില്ല.നവംബര്‍ 21ന് ഇറാനെയെതിരാണ് ആദ്യ മത്സരം.