ദോഹ- ദോഹയിലെ അല്‍ ബയ്ത് സ്‌റ്റേഡിയത്തില്‍ ലോകകപ്പിന് തുടക്കമായി. ഇനിയുള്ള 29 ദിവസം ലോക കായിക പ്രേമികളുടെ കണ്ണ് ഖത്തറിലേക്ക് ഉറ്റുനോക്കും. 60,000 പേരാണ് ഉദ്ഘാടന ചടങ്ങില്‍ പങ്കെടുത്തത്. ഉദ്ഘാടനച്ചടങ്ങില്‍ ഖത്തറിന്റെ സംസ്‌കാരവും ലോകകപ്പിന്റെ ചരിത്രവും വിളിച്ചോതി.
ആദ്യ മത്സരം നടക്കുന്ന ഇന്ന് ആതിഥേയരായ ഖത്തര്‍ ഇക്വഡോറിനെ നേരിടും. ഉദ്ഘാടനത്തിന് വേദിയായ അല്‍ ബയ്ത് സ്‌റ്റേഡിയത്തില്‍ആദ്യ പോരാട്ടത്തിന് അരങ്ങു കുറിച്ചു.