ന്യൂഡല്‍ഹിയില്‍ സ്ഥാപിതമാകാന്‍ പോകുന്ന ഖാഇദെമില്ലത്ത് സെന്ററിന് യു.എസ്.എ കെഎംസിസി യും, കാനഡ കെ.എം.സി.സിയും സമാഹരിച്ച ഫണ്ടുകള്‍ മലപ്പുറം ജില്ലാ മുസ്‌ലിംലീഗ് ഓഫീസില്‍ വച്ച് യു.എസ്.എ & കാനഡ കെഎംസിസി പ്രസിഡന്റ് യു.എ. നസീര്‍ മുസ്‌ലിംലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിക്കലി ശിഹാബ് തങ്ങള്‍ക്ക് കൈമാറി.
ചടങ്ങില്‍ മുസ്‌ലിംലീഗ് അഖിലേന്ത്യ ജനറല്‍ സെക്രട്ടറി പി.കെ കുഞ്ഞാലിക്കുട്ടി സാഹിബ്, സംസ്ഥാന ജ: സെക്രട്ടറി പി.എം.എ സലാം, പി അബ്ദുല്‍ഹമീദ് എംഎല്‍എ, മഞ്ഞളാംകുഴി അലി എംഎല്‍എ, അഡ്വ. കെ.എന്‍.എ കാദര്‍, പി കെ കെ ബാവ, പൊട്ടക്കണ്ടി അബ്ദുല്ല, ഉമ്മര്‍ പാണ്ഡികശാല,ടി.എ അഹമ്മദ് കബീര്‍, കമാല്‍ വരദൂര്‍ , അഡ്വ :പി എം എ സമീര്‍, കാനഡ കെഎംസിസി വൈസ് ചെയര്‍മാന്‍ അബ്ദുല്‍ വാഹിദ്, മണ്ഡലം ലീഗ് വൈസ് പ്രസിഡന്റ് യു.എഷബീര്‍, പഞ്ചിളി അസീസ് എന്നിവര്‍ സംബന്ധിച്ചു.
തുടര്‍ന്ന് മാധ്യമങ്ങളുമായി സംസാരിക്കവെ ഡല്‍ഹിയില്‍ പ്രവര്‍ത്തനക്ഷമമാവാന്‍ പോകുന്ന ഖാഇദെമില്ലത്ത് സെന്റര്‍ റെജിസ്‌ത്രേഷന്‍ നടപടികളും, നിര്‍മ്മാണ പ്രവര്‍ത്തനങ്ങളും പൂര്‍ത്തീകരിച്ചു വരുന്നു എന്നും അതിന്റെ അവസാനഘട്ട മിനുക്കുപണികള്‍ നടന്നുവരികയാണെന്നും താമസിയാതെ സോഫ്റ്റ് ലോഞ്ചിംഗ് ചെയ്യാനാവുമെന്നും കുഞ്ഞാലിക്കുട്ടി സാഹിബ് പറഞ്ഞു.