സിംഗപ്പൂര്‍: 2022 സീസണിലെ ആദ്യ സൂപ്പര്‍ 500 കിരീടത്തിന് അരികില്‍ ഇന്ത്യന്‍ സൂപ്പര്‍ താരം പി.വി സിന്ധു. ഇന്നത്തെ ഫൈനല്‍ ജയിച്ചാല്‍ സിന്ധുവിന് സിംഗപ്പൂര്‍ ഓപ്പണ്‍ ബാഡ്മിന്റണില്‍ കിരീടം സ്വന്തമാക്കാം. ഇന്നലെ നടന്ന സെമിയില്‍ ഹൈദരാബാദുകാരി തകര്‍പ്പന്‍ പ്രകടനത്തില്‍ ജപ്പാന്റെ സയിന കവകാമിയെ പരാജയപ്പെടുത്തി.
സ്‌ക്കോര്‍ 21-15, 21-7. കേവലം 32 മിനുട്ടില്‍ മല്‍സരം ജയിച്ച ഇന്ത്യന്‍ താരത്തിന് ഈ സീസണില്‍ ഇത് വരെ കിരീടങ്ങളില്ല. ലോക റാങ്കിംഗില്‍ വളരെ പിറകിലുള്ള ജപ്പാന്‍ താരത്തിന് ഒരു ഘട്ടത്തില്‍ പോലും സിന്ധുവിന് വെല്ലുവിളി ഉയര്‍ത്താനായില്ല. ആദ്യ ഗെയിമില്‍ സിന്ധു വരുത്തിയ പിഴവുകളായിരുന്നു ജപ്പാന്‍ താരത്തിന്റെ പോയിന്റ്. രണ്ടാം ഗെയിമില്‍ പക്ഷേ സിന്ധു അനായാസം ജയിച്ചു കയറി.