കൊച്ചി: എന്‍ഫോഴ്‌സ്‌മെന്റ് ഡയറക്ടറേറ്റിന്റെ ചോദ്യം ചെയ്യല്‍ ഇന്നും തുടരുന്നു. ക്വാറി ബിസിനസിലെ കള്ളപ്പണ ഇടപാട് സംബന്ധിച്ച് ചോദ്യം ചെയ്യാനാണ് ഇഡി ഇന്നും പിവി അന്‍വറിനെ വിളിച്ചത്. ബെല്‍ത്തങ്ങടിയിലെ ക്വാറിയുടെ പേരില്‍ 50 ലക്ഷം രൂപ തട്ടി എന്ന പരാതിയിലാണ് ചോദ്യം ചെയ്യുന്നതെന്നാണ് റിപ്പോര്‍ട്ടുകള്‍.
ഇന്നലത്തെ ചോദ്യം ചെയ്യലിന് ശേഷം അന്‍വര്‍ എംഎല്‍എ മാധ്യമങ്ങളോട് ക്ഷുഭിതനായാണ് പ്രതികരണം നടത്തിയത്. ഇന്ത്യയും പാക്കിസ്ഥാനുമായുള്ള ഫുട്‌ബോള്‍ മത്സരത്തെക്കുറിച്ച് ചര്‍ച്ച ചെയ്യാനാണ് ഇഡി വിളിപ്പിച്ചതെന്നായിരുന്നു അന്‍വറിന്റെ മറുപടി. ഇന്നലെ ഉച്ചയ്ക്ക് തുടങ്ങിയ ചോദ്യം ചെയ്യല്‍ രാത്രി ഒമ്പതു മണി വരെ തുടര്‍ന്നു.