പുതുപ്പള്ളി ഉപ തെരഞ്ഞെടുപ്പിൽ ആദ്യമണിക്കൂറുകളിൽ മികച്ച പോളിംഗ്. 12 മണി വരെ 39.79 ശതമാനം പേർ വോട്ടു ചെയ്തു. ബൂത്തുകൾക്ക് മുന്നിൽ വോട്ടർമാരുടെനീണ്ട നിരയാണുള്ളത്. രാവിലെ ഏഴുമണിക്ക് തന്നേ മിക്ക ബൂത്തുകളിലും വോട്ടർമാരുടെ നിര കാണാമായിരുന്നു.യുഡിഎഫ് സ്ഥാനാർഥി ചാണ്ടി ഉമ്മൻ പുതുപ്പള്ളി ജോർജിയൻ സ്‌കൂൾ ബൂത്തിലും എൽഡിഎഫ് സ്ഥാനാർഥി ജെയ്ക്ക് സി തോമസ് മണർകാട് എൽപി സ്‌കൂൾ ബൂത്തിലും രാവിലെ തന്നെ വോട്ട് രേഖപ്പെടുത്തി. കഴിഞ്ഞ നിയമസഭാ തെരഞ്ഞെടുപ്പിലെ 74. 84 ശതമാനം എന്ന പോളിംഗ് ഇത്തവണ മറികടക്കും എന്ന പ്രതീക്ഷയിലാണ് മുന്നണികൾ.