ഞങ്ങളുടെ കുടുംബത്തെ പല തവണ ബി.ജെ.പി അപമാനിച്ചെന്നും അതൊന്നും കശ്മീരി പണ്ഡിറ്റുകളോടുള്ള അപമാനമായി തങ്ങൾ കണ്ടില്ലെന്നും പ്രിയങ്ക ഗാന്ധി. മോദി, മന്ത്രിമാർ , മുഖ്യമന്ത്രി എല്ലാം ഏതെല്ലാം തരത്തിൽ ഞങ്ങളെ ഇകഴ്ത്തി സംസാരിച്ചു. ഞങ്ങളെന്തെങ്കിലും പറഞ്ഞോ. രാഹുൽ എന്താണ് പറഞ്ഞത്? ജനങ്ങളുടെ പണം കൊള്ളയടിച്ചവരുടെ പേരല്ലേ . ഷെൽ കമ്പനികളെക്കുറിച്ച് നിങ്ങളെന്തു കൊണ്ട് മിണ്ടുന്നില്ല. ജനാധിപത്യത്തെ നിങ്ങൾ കൊന്നു. വിലക്കയറ്റം ഇത്രകണ്ട് മുമ്പുണ്ടായിട്ടുണ്ടോ . തൊഴിലില്ലായ്മ വർധിച്ചില്ലേ. ഭാരത് ജോഡോ യാത്രയിൽ ലക്ഷങ്ങൾ പങ്കെടുത്തു. രാഹുൽ വിദേശരാജ്യത്ത് ഇന്ത്യയെ അപമാനിച്ചെന്ന് പറയുന്നു. ആരാണ് രാജ്യത്തെ അപമാനിച്ചുകൊണ്ടിരിക്കുന്നത് ? കോൺഗ്രസ് ജനറൽ സെക്രട്ടറി ചോദിച്ചു. ഡൽഹിയിൽ രാഹുൽ ഗാന്ധിയെ അയോഗ്യനാക്കിയതിനെതിരെ നടത്തുന്ന സത്യഗ്രഹത്തിൽ സംസാരിക്കുകയായിരുന്നു പ്രിയങ്ക ഗാന്ധി.