കോഴിക്കോട്: മുക്കത്ത് കാറില്‍ പിന്തുടര്‍ന്നെത്തിയ സംഘം സ്വകാര്യ ബസ് ഡ്രൈവറെ മര്‍ദിച്ചതായി പരാതി. വൈകീട്ട് അഞ്ചു മണിയോടെ മുക്കം- അരീക്കോട് റോഡില്‍ കല്ലായിയിലാണ് സംഭവം.
നാലു കിലോമീറ്ററോളം കാറില്‍ പിന്തുടര്‍ന്നെത്തിയ സംഘമാണ് ഡ്രൈവറെ മര്‍ദിച്ച് ബസിന്റെ ചില്ല് അടിച്ചു തകര്‍ത്തത്. തോട്ടുമുക്കത്തുനിന്ന് മുക്കത്തേക്കു പോകുകയായിരുന്ന റോബിന്‍ ബസിനു നേരെയായിരുന്നു ആക്രമണം. ബസിന്റെ താക്കോല്‍ അക്രമികള്‍ കൈവശപ്പെടുത്തിയതായും പരാതിയുണ്ട്.