അസമില്‍ ഗര്‍ഭിണിയായ പതിനാറുകാരി മരിച്ചു. ബോംഗൈഗാവ് ജില്ലയിലാണ് ആശുപത്രിലെത്തിക്കുന്നതിനിടെ പെണ്‍കുട്ടി മരിച്ചത്. പെണ്‍കുട്ടിക്ക് പ്രസവവേദന വന്നിട്ടും ആശുപത്രിയില്‍ കൊണ്ടുപോകാതെ വീട്ടില്‍ തന്നെ കുഞ്ഞിന് ജന്മം നല്‍കട്ടെയെന്ന് വീട്ടുകാര്‍ തീരുമാനിച്ചതാണ് സംഭവം കൈവിട്ടുപോയത്.
പെണ്‍കുട്ടിയുടെ ആരോഗ്യനില കൂടുതല്‍ മോശമായെന്ന് മനസ്സിലാക്കിയതിനു ശേഷം വീട്ടുകാര്‍ സമീപത്തെ പ്രാഥമികാരോഗ്യ കേന്ദ്രത്തിലെത്തിച്ചെങ്കിലും വിദഗ്ധ ചികിത്സയ്ക്കായി ഡോക്ടര്‍മ്മാര്‍ ജില്ലാ ആശുപത്രിയിലേക്ക് മാറ്റാന്‍ ആവശ്യപ്പെട്ടു. ജില്ലാ ആശുപത്രിയിലേക്ക് കൊണ്ടുപോകുന്നതിനിടയിലാണ് പെണ്‍കുട്ടി മരിച്ചത്. സംഭവത്തില്‍ പെണ്‍കുട്ടിയുടെ ഭര്‍ത്താവിനെയും, പിതാവിനെയും പൊലീസ് അറസ്റ്റ് ചെയ്തു.