ചെന്നൈ: നടനും നൃത്തസംവിധായകനുമായ പ്രഭുദേവ വീണ്ടും വിവാഹിതനാവുന്നു എന്ന് റിപ്പോര്‍ട്ടുകള്‍. സ്വന്തം സഹോദരിയുടെ മകളാണ് വധു. ഇരുവരും പ്രണയത്തിലാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
റംലത്തായിരുന്നു പ്രഭുദേവയുടെ ആ?ദ്യ ഭാര്യ. ഈ ബന്ധത്തില്‍ രണ്ട് ആണ്‍മക്കളുമുണ്ട്. പിന്നീട് തെന്നിന്ത്യന്‍ സൂപ്പര്‍താരം നയന്‍താരയുമായി പ്രണയത്തിലായതോടെ റംലത്തില്‍ നിന്ന് പ്രഭുദേവ വിവാഹമോചനം നേടി. എന്നാല്‍ അധികം വൈകാതെ നയന്‍താരയും പ്രഭുദേവയും വേര്‍പിരിയുകയും ചെയ്തു.
ബോളിവുഡിലെ തന്റെ പുതിയ ചിത്രത്തിന്റെ തിരക്കുകളിലാണ് പ്രഭുദേവ ഇപ്പോള്‍. രാധേ എന്ന് പേരിട്ടിരിക്കുന്ന ചിത്രത്തില്‍ സല്‍മാന്‍ ഖാന്‍ ആണ് നായകന്‍. അതോടൊപ്പം തന്നെ പ്രഭുദേവ കേന്ദ്ര കഥാപാത്രമായെത്തുന്ന അഞ്ചോളം ചിത്രങ്ങളാണ് അണിയറയില്‍ ഒരുങ്ങുന്നത്.