പാലക്കാട് ചെര്‍പുളശ്ശേരി ബസ്റ്റാന്‍ഡില്‍ പൊലീസും എസ്എഫ്ഐ പ്രവര്‍ത്തകരും തമ്മില്‍ സംഘര്‍ഷം. വിദ്യാര്‍ത്ഥികളെ മഴയുള്ള സമയത്ത് ബസ്സിന് അകത്തേക്ക് പ്രവേശിപ്പിക്കാത്തത് ചോദ്യം ചെയ്യാന്‍ എത്തിയ എസ്എഫ്ഐ പ്രവര്‍ത്തകരും പൊലീസും തമ്മിലാണ് സംഘര്‍ഷം ഉണ്ടായത്.
ആദ്യം ബസ് ജീവനക്കാരുമായി തര്‍ക്കത്തില്‍ ഏര്‍പ്പെടുകയും തുടര്‍ന്ന് പൊലീസ് എത്തുകയുമായിരുന്നു. പ്രവര്‍ത്തകരുടെ ഭാഗത്ത് നിന്ന് ഒരു പ്രകോപനവുമില്ലാതെയാണ് പൊലീസ് മര്‍ദിച്ചതെന്ന് എസ്എഫ്ഐ ആരോപിച്ചു.