നടിയെ ആക്രമിച്ച കേസുമായി ബന്ധപ്പെട്ട് നടന്‍ ദിലീപിന്റെ വീട്ടില്‍ റെയ്ഡ്. ഇന്ന് രാവിലെയോടെയാണ് ആലുവയിലെ വീട്ടില്‍ ക്രൈംബ്രാഞ്ച് സംഘം എത്തിയത്.ദിലീപിന്റെ വീടിനു പുറമേ സഹോദരന്‍ അനൂപിന്റെ വീട്ടിലും ദിലീപിന്റെ പ്രൊഡക്ഷന്‍ ഹൗസിലും റെയ്ഡ് നടക്കുന്നുണ്ട്.
നടിയെ ആക്രമിച്ച കേസില്‍ പുതിയ വെളിപ്പെടുത്തലുകള്‍ രംഗത്ത് വന്ന സാഹചര്യത്തില്‍ പോലീസ് അന്വേഷണം പുനരാരംഭിച്ചിരുന്നു.നേരത്തെ ആക്രമണ സംഭവത്തില്‍ ഗൂഢാലോചന നടത്തിയത് ദിലീപിന്റെ ആലുവയിലെ വീട്ടില്‍ വച്ച് എന്ന് എഫ്‌ഐആറില്‍ പറഞ്ഞിരുന്നു. ഇതേതുടര്‍ന്നാണ് കോടതിയുടെ അനുമതിയുമായി ക്രൈംബ്രാഞ്ച് സംഘം വീട്ടില്‍ പരിശോധനയ്ക്ക് എത്തിയിരിക്കുന്നത്.