ഹനുമാന്‍ ജയന്തി ദിനത്തില്‍ രാജ്യതലസ്ഥാനത്തെ ജഹാംഗീര്‍ ശോഭ യാത്ര നടത്താന്‍ അനുമതി നല്‍കി ഡല്‍ഹി പൊലീസ്. നിശ്ചിത ദൂരത്ത് ശോഭാ യാത്ര നടത്താനാണ് അനുമതി നല്‍കിയിട്ടുള്ളതെന്ന് ഡല്‍ഹി പൊലീസ് അറിയിച്ചു. കഴിഞ്ഞ ആഴ്ച രാമനവമിയോട് അനുബന്ധിച്ച് പശ്ചിമ ബംഗാളിലുമ ബീഹാറിലും മഹാരാഷ്ട്രയിലും നടന്ന ആക്രമണങ്ങളുടെ പശ്ചാതലത്തിലാണ് കേന്ദ്രം പുതിയ ജാഗ്രതാ നിര്‍ദേശം പുറത്തിറക്കിയത്.
ശോഭ യാത്ര കടന്നുപോകാന്‍ വഴി ഒരുക്കിട്ടുണ്ട്. സമാധാനപരമായി ഘോഷയാത്ര നടത്താന്‍ കര്‍ശന നിര്‍ദേശം നല്‍കിയിട്ടുണ്ട്. ശോഭാ യാത്രയുടെ സംഘാടക സമിതിയോട് ഇക്കാര്യങ്ങള്‍ വിശദീകരിച്ചിട്ടുണ്ടെന്നും പൊലീസ് വ്യക്തമാക്കി. ഇതിന് മുന്‍പ് വിശ്വഹിന്ദു പരിഷത്തും മറ്റ് ഗ്രൂപ്പുകളും ശോഭ യാത്രക്ക് അനുമതി തേടിയിരുന്നെങ്കിലും ക്രമസമാധാന വിഷയം ചൂണ്ടിക്കാട്ടി ഡല്‍ഹി പൊലീസ് നിഷേധിച്ചിരുന്നു.