പെരുമ്പാവൂര്‍ പൊലീസ് സ്റ്റേഷനില് പൊലീസുകാര്‍ക്ക് മര്‍ദനം. എസ്‌ഐ അടക്കം മൂന്നുപേര്‍ക്ക് പരിക്കേറ്റു. കുറുപ്പംപടി സ്റ്റേഷനിലെ മോഷണക്കേസ് പ്രതികളാണ് മര്‍ദിച്ചത്.
വിരലടയാള പരിശോധനയ്ക്ക് പെരുമ്പാവൂര്‍ സ്റ്റേഷനില് എത്തിച്ചതായിരുന്നു ഇവരെ. കൊടുങ്ങല്ലൂര്‍ സ്വദേശി തഹ്‌സീല്‍, കൊണ്ടോട്ടി സ്വദേശി അജിത്ത്, കോഴിക്കോട് സ്വദേശി ക്രിസ്റ്റഫര്‍, അങ്കമാലി സ്വദേശി റിയാദ് എന്നിവരാണ് സംഭവത്തിലെ പ്രതികള്‍.
പെരുമ്പാവൂര്‍ എസ്‌ഐ റിന്‍സിനും കുറുപ്പംപടി സ്റ്റേഷനിലെ രണ്ട് പൊലീസുകാര്‍ക്കും ആക്രമണത്തില്‍ പരിക്കേറ്റു. റിന്‍സിന്റെ കൈ പ്രതികളില്‍ ഒരാള്‍ പിടിച്ച് തിരിക്കുകയായിരുന്നു. മറ്റ് രണ്ട് പൊലീസുകാരെ മര്‍ദിക്കുകയും ചെയ്തു. പ്രതികളെ കുറുപ്പംപടി പൊലീസ് സ്റ്റേഷനിലേക്ക് മാറ്റി.