സ്വാതന്ത്ര്യദിനത്തില്‍ മികച്ച കോണ്‍സ്റ്റബിളിനുള്ള പുരസ്‌കാരം നേടിയ പോലീസുകാരന്‍ കൈക്കൂലി വാങ്ങുന്നതിനിടെ പിടിയില്‍. തെലങ്കാനയിലെ മെഹ്ബൂബ്‌നഗറിലെ ഐടൗണ്‍ പോലീസ് സ്‌റ്റേഷനിലെ സിവില്‍ പോലീസുകാരനായ തിരുപതി റെഡ്ഡിയാണ് കൈക്കൂലി വാങ്ങിയതിന് പിടിയിലായത്.
അനുമതിയോടു കൂടി മണല്‍കടത്തുന്ന രമേശ് എന്നയാളോട് 17,000 രൂപ കൈക്കൂലിയായി നല്‍കിയില്ലെങ്കില്‍ ട്രാക്ടര്‍ പിടിച്ചെടുക്കുമെന്ന് പറഞ്ഞ് ഒരു വര്‍ഷത്തോളമായി തിരുപ്പതി ഭീഷണിപ്പെടുത്തിവരികയായിരുന്നു. തുടര്‍ന്ന് രമേശ് വിജിലന്‍സിനെ സമീപിക്കുകയായിരുന്നു. വിജിലന്‍സ് നല്‍കിയ 17,000 രൂപ രമേശ് തിരുപ്പതിക്ക് നല്‍കുന്നതിനിടെയാണ് പിടിയിലായത്.