പൊലീസിന് നേരെ ഗുണ്ടാ ആക്രമണം. കൊല്ലത്ത് വച്ചാണ് പൊലീസിന് നേരെ വടിവാള്‍ വീശി ആക്രമിക്കാന്‍ ശ്രമിച്ചത്. പ്രതിക്കെതിരെ പൊലീസ് വെടിയുതിര്‍ത്തു. അടൂര്‍ റസ്റ്റ് ഹൗസ് മര്‍ദനക്കേസ് പ്രതികളെ പിടിക്കുന്നതിനുവേണ്ടി കൊല്ലം പടപ്പക്കരയില്‍ എത്തിയ പൊലീസിന് നേരെയാണ് ആക്രമണം ഉണ്ടായത്. ഇന്ന് പുലര്‍ച്ചെയാണ് കുണ്ടറ പൊലീസ് പരിധിയില്‍ അക്രമണമുണ്ടായത്. മൂന്നുപേര്‍ ചേര്‍ന്നാണ് ആക്രമണം നടത്തിയത്. ഇതില്‍ ഒരാളെ കസ്റ്റഡിയില്‍ എടുത്തിട്ടുണ്ട് മറ്റ് രണ്ടുപേര്‍ കായലില്‍ ചാടി രക്ഷപ്പെട്ടു. പ്രതികള്‍ക്കാര്‍ക്കും വെടിയേറ്റിട്ടില്ലെന്ന് പൊലീസ് വ്യക്തമാക്കി.