അയല്‍വാസിയായ മുസ്്‌ലിമിനെ കുടുക്കാന്‍ പോപ്പുലര്‍ ഫ്രണ്ട് ഓഫ് ഇന്ത്യയുടെ പോസ്റ്ററുകള്‍ മതിലില്‍ പതിച്ച സംഭവത്തില്‍ റസിഡന്‍സ് അസോസിയഷന്‍ സെക്രട്ടറി അറസ്റ്റില്‍. മുംബൈയിലാണ് സംഭവം. ന്യൂപനവേലിലെ ഹൗസിംഗ് സൊസൈറ്റിയിലാണ് സംഭവം. ഏകനാഥ് കേവാലേ എന്ന 68കാരനാണ് പിടിയിലായത്. മറ്റ് ഏതാനും വീടുകള്‍ക്ക് മുമ്പിലും പോസ്റ്റര്‍ കൈകൊണ്ടെഴുതി പതിക്കുകയും പടക്കവും വടിയും മറ്റും വെക്കുകയും ചെയ്തു. പരസ്പരവൈരം വളര്‍ത്താന്‍ ലക്ഷ്യമിട്ടാണ് പ്രതി ഇത് ചെയ്തതെന്നും 153 എ വകുപ്പ് പ്രകാരം കേസെടുത്തെന്നും നവി മുംബൈ പൊലീസ് അറിയിച്ചു. പ്രതി പൊലീസ് സ്റ്റേഷനിലെത്തിയാണ് വിവരം നല്‍കിയത്. സംശയം തോന്നിയ പൊലീസ് പ്രതിയെ കുടുക്കുകയായിരുന്നു. ആര്‍.എസ്.എസ്സുകാരനാണ് ഇയാള്‍. കൂടുതല്‍ ചോദ്യം ചെയ്യലിലാണ് സത്യം പുറത്തായത്. ഹൗസിംഗ് സൊസൈറ്റിയിലെ ഭാരവാഹികളും നിവാസികളും തമ്മിലുള്ള തര്‍ക്കത്തിനിടെയാണ് ഇയാള്‍ തന്ത്രം പ്രയോഗിച്ചത്.