ഓള്‍ഡ് ട്രാഫോഡ്: ഒന്നുറപ്പ്. പോള്‍ പോഗ്ബ എന്ന മധ്യനിരക്കാരന്‍ അടുത്ത സീസണില്‍ പുതിയ ലാവണത്തിലായിരിക്കും. കരാര്‍ കാലാവധി അവസാനിക്കാന്‍ മൂന്ന് മാസം മാത്രം ബാക്കി നില്‍ക്കെ ഫ്രഞ്ച് താരം ഓള്‍ഡ് ട്രാഫോഡ് വിട്ട് ഒന്നുങ്കില്‍ പി.എസ്.ജി അല്ലെങ്കില്‍ തന്റെ പഴയ ക്ലബായ യുവന്തസ് എന്നിവിടങ്ങളില്‍ ഒരു സ്ഥലത്തേക്കുള്ള തീരുമാനത്തിലാണ്.
പി.എസ്.ജിയിലെ ഫ്രഞ്ച് സൂപ്പര്‍താരം കിലിയന്‍ എംബാപ്പേ കാര്യമായി തന്നെ പോഗ്ബയെ ക്ഷണിച്ചിരുന്നു. പക്ഷേ പ്രശ്‌നമായിട്ടുള്ളത് എംബാപ്പേയുടെ പി.എസ്.ജി സാന്നിദ്ധ്യം തന്നെയാണ്. പാരിസ് വിട്ട് റയല്‍ മാഡ്രിഡിലേക്ക് ചേക്കേറാനുള്ള ശ്രമത്തിലാണ് എംബാപ്പേ. പക്ഷേ എന്ത് വില കൊടുത്തും എംബാപ്പേയെ നിലനിര്‍ത്താനുള്ള ശ്രമത്തിലാണ് പി.എസ്.ജി മാനേജ്‌മെന്റ്. എംബാപ്പേയിപ്പോള്‍ പോഗ്ബയെ കാര്യമായി ക്ഷണിക്കുന്നില്ല എന്ന സത്യവും നിലനില്‍ക്കുന്നു.