തിരുവനന്തപുരം പാറശാലയില്‍ പ്ലസ് വണ്‍ വിദ്യാര്‍ത്ഥിക്ക് പൊലീസ് മര്‍ദനം. അമരവിള എല്‍ എം എസ്.എച്ച്.എസ് സ്‌കൂളിലെ വിദ്യാര്‍ത്ഥി ബിജോയ് രാജി (16) നാണ് മര്‍ദ്ദനമേറ്റത്. പ്രദേശവാസിയായ ഷിബു എന്ന പൊലീസുകാരനാണ് കുട്ടിയെ മര്‍ദ്ദിച്ചതെന്നാണ് പരാതി.
പാറശാല പൊലീസില്‍ മര്‍ദിച്ച പൊലീസുകാരന്റെ വിലാസമുള്‍പ്പെടെ പരാതി നല്‍കിയിട്ടും ഷിബു എന്ന അജ്ഞാതന്‍ ആക്രമിച്ചു എന്നാണ് എഫ്.ഐ.ആറില്‍ ചേര്‍ത്തത് എന്ന് പിതാവ് ക്രിസ്തുരാജ് ആരോപിച്ചു. ഷിബു ദേഹത്ത് ഇടിക്കുകയും തള്ളിയിടുകയും ചെയ്‌തെന്ന് മര്‍ദനമേറ്റ ബിജോയ് പരാതിയില്‍ ആരോപിക്കുന്നു.