തിരുവനന്തപുരം: പ്ലസ് വണ്‍ പ്രവേശനത്തിനുള്ള രണ്ടാം സപ്ലിമെന്ററി അലോട്ട്‌മെന്റ് പട്ടിക ജൂലൈ 24ന് പ്രസിദ്ധീകരിക്കും. രാവിലെ 10 മണി മുതല്‍ പ്രവേശനം സാധ്യമാകുന്ന തരത്തിലാണ് പട്ടിക പ്രസിദ്ധീകരിക്കുക എന്ന് പൊതുവിദ്യാഭ്യാസ ഡയറക്ടറുടെ കാര്യാലയം പത്രകുറിപ്പിലൂടെ അറിയിച്ചു.
രണ്ടാം സപ്ലിമെന്ററി അലോട്ട്‌മെന്റ് പ്രകാരമുള്ള വിദ്യാര്‍ഥി പ്രവേശനം ജൂലൈ 24ന് രാവിലെ 10 മണി മുതല്‍ ജൂലൈ 25 വൈകിട്ട് നാലുമണി വരെ നടക്കും. അലോട്ട്‌മെന്റ് വിവരങ്ങള്‍ പൊതുവിദ്യാഭ്യാസ വകുപ്പിന്റെ ംംം.മറാശശൈീി.റഴല.സലൃമഹമ.ഴീ്.ശി എന്ന വെബ്‌സൈറ്റ് ലിങ്കിലൂടെ ലഭിക്കും. തുടര്‍ അലോട്ട്‌മെന്റുകളെ സംബന്ധിച്ച വിശദാംശങ്ങള്‍ ജൂലൈ 27ന് വെബ്‌സൈറ്റില്‍ പ്രസിദ്ധീകരിക്കും.
ഏകജാലക സംവിധാനം വഴിയുള്ള വിവിധ അലോട്ട്‌മെന്റുകളില്‍ അപേക്ഷിച്ചിട്ടും അലോട്ട്‌മെന്റ് ലഭിക്കാത്തവര്‍ക്കും അപേക്ഷ സമര്‍പ്പിക്കാന്‍ കഴിയാത്തവര്‍ക്കും രണ്ടാം സപ്ലിമെന്ററിനായി അപേക്ഷിക്കാന്‍ ജൂലൈ 20 വരെ അവസരം നല്‍കിയിരുന്നു.