കോഴിക്കോട്: സംസ്ഥാന സ്‌കൂള്‍ കലോത്സവത്തില്‍ അമ്മ പഠിപ്പിച്ച പാട്ടു പാടി രോഹിത് എ ഗ്രേഡ് നേടി. ഹൈസ്‌കൂള്‍ വിഭാഗം ലളിത ഗാനത്തില്‍ മത്സരിച്ച അരീക്കോട് ജിഎച്ച്എസ്എ സ് ഒമ്പതാം ക്ലാസ് വിദ്യാര്‍ഥി രോഹിത് കൃഷ്ണ പിന്നണി ഗായിക രാധിക നാരായണന്റെ മകനാണ്. നന്ദകുമാര്‍ ഈണം നല്‍കിയ മതിലേഖമായും മുകില്‍ മറയും എന്ന ഗാനം രാധികയാണ് പഠിപ്പിച്ചത്. മൈലാഞ്ചി മൊഞ്ചുള്ള വീട്, തട്ടിന്‍പുറത്ത് അച്യു തന്‍, ലൈലാ ഓ ലൈല, ഈ പടച്ചോനെ നിങ്ങള്‍ കാത്തോളി എന്നീ സിനിമികളിലും രാധിക പാടി.
കലോത്സവ വേദികളില്‍ മാപ്പിളപ്പാട്ട്, ലളിതഗാനം, ശാസ്ത്രീയസംഗീതം, ഒപ്പന മത്സരങ്ങളില്‍ തിളങ്ങിയ രാധിക ഗാനമേളകളിലും റിയാലിറ്റി ഷോ കളിലും പാടി.സംവിധായകന്‍ ആര്‍ എസ് വിമലിന്റെ പുതിയ സിനിമയില്‍ പാടാന്‍ ഉള്ള ഒരുക്കത്തിലാണ് രാധിക നാരായണ്‍.