സുപ്രിം കോടതിയിൽ നിന്നും രൂക്ഷ വിമർശനം കേട്ടതിനു പിന്നാലെ രാജ്യത്തെ സ്ഥലങ്ങളുടെ പേരുകൾ ഹൈന്ദവവത്കരിക്കണമെന്ന ആവശ്യവുമായി ബി.ജെ.പി നേതാവ് കേന്ദ്ര സർക്കാരിനെ സമീപിച്ചിരിക്കുന്നു.ഇതേ വിഷയവുമായി ബന്ധപ്പെട്ട് സുപ്രിം കോടതിയിൽ ഹർജി നൽകി രൂക്ഷവിമർശനം കേട്ട അശ്വനി കുമാർ തന്നെയാണ് സ്ഥലപ്പേരുകൾ മാറ്റാൻ കമ്മീഷനെ വയ്ക്കണമെന്ന ആവശ്യവുമായി ഇപ്പോൾ പ്രധാനമന്ത്രിക്കും ആഭ്യന്തര മന്ത്രിക്കും നിവേദനം നൽകിയിരിക്കുന്നത്.
ആവശ്യക്കാരന്റെ ഹർജി രാജ്യത്തെ പ്രബലമായ ഒരു വിഭാഗത്തെ ലക്ഷ്യം വച്ചുള്ളതാണെന്ന് നിരീക്ഷിച്ചാണ് സുപ്രീം കോടതി തള്ളിയത്.രാജ്യം തിളച്ചുമറിയാൻ ആഗ്രഹിക്കുന്നുണ്ടോ എന്നും സുപ്രിം കോടതി ചോദിച്ചിരുന്നു.ഇന്ത്യ മതേതര രാജ്യമാണെന്ന് സുപ്രിം കോടതി ഹര്ജിക്കാരനെ ഓർമിപ്പിക്കുകയും ചെയ്തു.