ഇന്ത്യന്‍ ഫുട്‌ബോള്‍ ടീമിനായി ബൂട്ട് കെട്ടിയ അബ്ദുല്‍ റബീഹിന് ആശംസകളുമായി മുസ്‌ലിം ലീഗ് ദേശീയ ജനറല്‍ സെക്രട്ടറി
പി.കെ കുഞ്ഞാലിക്കുട്ടി. ഒരു രാജ്യാന്തര വേദിയില്‍ സ്വന്തം രാജ്യത്തെ പ്രതിനിധീകരിച്ചു കൊണ്ട് പന്ത് തട്ടാനിറങ്ങിയതിന്റെ അനുഭവങ്ങള്‍ നിറഞ്ഞ സന്തോഷത്തോടെ റബീഹ് പങ്ക് വെച്ചപ്പോള്‍ ഒരു കാല്പന്ത് പ്രേമി എന്ന നിലയിലും നാട്ടുകാരന്‍ എന്ന നിലയിലും വളരെ ആവേശത്തോട് കൂടിയാണ് കേട്ടിരുന്നതെന്ന് കുഞ്ഞാലിക്കുട്ടി പറഞ്ഞു.
ഐഎസ്എല്ലില്‍ മാറ്റുരക്കുന്ന ഹൈദരാബാദ് എഫ്‌സി യുടെ ക്യാമ്പില്‍ നിന്നാണ് റബീഹ് വരുന്നത്. ഭാവിയില്‍ മൈതാനങ്ങളെ ത്രസിപ്പിക്കുന്ന മികച്ച താരമാകാനുള്ള പ്രതിഭയും, ആത്മവിശ്വാസവും ഈ ചെറുപ്പക്കാരനില്‍ തെളിഞ്ഞു നില്‍ക്കുന്നുണ്ട്. കൂടുതല്‍ ഉയരങ്ങള്‍ കീഴടക്കാന്‍ സാധിക്കട്ടെ എന്ന് മനസ്സ് നിറഞ്ഞു ആശംസിക്കുന്നു- അദ്ദേഹം കൂട്ടിചേര്‍ത്തു.