മുഖ്യമന്ത്രി പിണറായി വിജയൻ ഉപരാഷ്ട്രപതി ജഗ്ദീപ് ധൻകറുമായി കൂടിക്കാഴ്ച നടത്തി. ഡൽഹി 6 മൗലാന ആസാദ് റോഡിലുള്ള ഉപരാഷ്ട്രപതിയുടെ ഔദ്യോഗിക വസതിയിൽവച്ചായിരുന്നു കൂടിക്കാഴ്ച. ഉപരാഷ്ട്രപതിയെ കേരളത്തിലേക്ക് ക്ഷണിച്ച മുഖ്യമന്ത്രി ഉപരാഷ്ട്രപതിയെ പൊന്നാടയണിയിച്ചു തെയ്യത്തിന്റെ ഒറ്റത്തടി ശില്പം സമ്മാനമായി നൽകി.ഉപരാഷ്ട്രപതിയായി ചുമതലയേറ്റ ശേഷം മുഖ്യമന്ത്രിയുടെ ആദ്യത്തെ സന്ദർശനമാണിത്. ചീഫ് സെക്രട്ടറി ഡോ. വി.പി. ജോയും മുഖ്യമന്ത്രിക്കൊപ്പം ഉണ്ടായിരുന്നു.