തിരുവനന്തപുരം: വീടും കൃഷി സ്ഥലവും ജപ്തി നടപടികളില്‍ നിന്നൊഴിവാക്കുമെന്ന് മുഖ്യമന്ത്രി പിണറായി വിജയന്‍. ഇതു സംബന്ധിച്ച നിയമഭേദഗതി കൊണ്ടുവരുമെന്ന് മുഖ്യമന്ത്രി അറിയിച്ചു. നിയമസഭയില്‍ അവതരിപ്പിച്ച പ്രമേയത്തിലാണ് അദ്ദേഹം ഇക്കാര്യം അറിയിച്ചത്. അഞ്ചു ലക്ഷത്തിന് താഴെയുള്ള വായ്പ്പകള്‍ക്കാണ് ഇളവ് പ്രഖ്യാപിച്ചിട്ടുള്ളത്. ആയിരം സ്‌ക്വയര്‍ഫീറ്റ് വരെയുള്ള വീടുകള്‍ ഇതിന്റെ പരിധിയില്‍ വരും. ഗ്രാമങ്ങളില്‍ ഒരേക്കറിനും നഗരങ്ങളില്‍ 50 സെന്റിനുമാണ് കൃഷിഭൂമിയില്‍ ഇളവെന്നും മുഖ്യമന്ത്രി പറഞ്ഞു.