നടിയെ ആക്രമിച്ച കേസില്‍ അന്വേഷണ ഉദ്യോഗസ്ഥന്റെ വധ ഗൂഢാലോചനയുമായി ബന്ധപ്പെട്ട കേസില്‍ ദിലീപിനെയും കൂട്ടു പ്രതികളെയും ഫോണുകള്‍ നാളെ കോടതിയില്‍ ഹാജരാക്കും.
ഇതിനായി മുംബൈയിലുള്ള ഫോണുകള്‍ ഇന്ന് വൈകിട്ടോടെ എത്തിക്കും. അന്വേഷണ ഉദ്യോഗസ്ഥനെ അപായപ്പെടുത്തി എന്ന കേസില്‍ മുന്‍കൂര്‍ ജാമ്യം പരിഗണിക്കവേയാണ് കേസില്‍ ഫോണുകള്‍ കൈമാറാന്‍ കോടതി ഉത്തരവിട്ടത്. നാളെ (തിങ്കളാഴ്ച) രാവിലെ 10:15 മുന്‍പായി കോടതിയില്‍ മൊബൈല്‍ ഫോണുകള്‍ മുദ്രവെച്ച കവറില്‍ കൈമാറണം.
ഫോണുകള്‍ ഹാജരാക്കാന്‍ കഴിഞ്ഞില്ലെങ്കില്‍ അറസ്റ്റില്‍ നിന്ന് നല്‍കിയ സംരക്ഷണം പിന്‍വലിക്കുമെന്ന് കോടതി മുന്നറിയിപ്പ് നല്‍കിയിട്ടുണ്ട്. ഫോണ്‍ എവിടെ പരിശോധനയ്ക്ക് നല്‍കണമെന്നും കോടതി തീരുമാനിക്കും.