ഡോ. വന്ദന ദാസിന്റെ മരണവുമായി ബന്ധപ്പെട്ട് നടത്തിയിരുന്ന അത്യാഹിത വിഭാഗത്തിലെ ഡ്യൂട്ടി ബഹിഷ്‌കരണം ഹൗസ് സര്‍ജന്‍മാര്‍ പിന്‍വലിച്ചു. ഇന്ന് രാത്രി എട്ട് മുതല്‍ ജോലിക്ക് കയറാന്‍ തീരുമാനം. അതേസമയം മറ്റുവിഭാഗങ്ങളിലെ സമരവുമായി ബന്ധപ്പെട്ടുള്ള തീരുമാനം രാത്രിയോടെ എടുക്കുമെന്ന് ഹൗസ് സര്‍ജമ്മാര്‍ അറിയിച്ചു.
അതേസമയം റൂറല്‍ ആശുപത്രികളില്‍ ഹൗസ് സര്‍ജന്‍മാരുടെ നൈറ്റ് ഡ്യൂട്ടി റദ്ദാക്കി. പി.ജി വിദ്യാര്‍ത്ഥികളുടെ പരാതി പരിഹരിക്കാന്‍ മെഡിക്കല്‍ കോളേജുകള്‍ പരാതി പരിഹാര സെല്‍ സ്ഥാപിക്കും. ആരോഗ്യ സെക്രട്ടറി ഇതിന് മേല്‍നോട്ടം വഹിക്കും. ആരോഗ്യമന്ത്രിയുമായി ചേര്‍ന്ന് നടത്തിയ ചര്‍ച്ചയ്ക്ക് ശേഷമാണ് തീരുമാനം.