താനൂരില്‍ പെട്രോള്‍ ടാങ്കര്‍ അപകടം;പെട്രോള്‍ ചോരുന്നു

താനൂർ:മലപ്പുറം താനൂരിൽ പെട്രോളുമായി പോകുകയായിരുന്ന ലോറി അപകടത്തിൽപ്പെട്ടു. വൈദ്യുത പോസ്റ്റിലിടിച്ച് ഇന്ധനവുമായി പോയാ ലോറിയാണ് അപകടത്തിൽ പെട്ടത്. വാഹനത്തിൽ നിന്നും പെട്രോൾ ചോരുന്നു എന്നാണ് പ്രാഥമികമായി ലഭിക്കുന്ന വിവരം. സ്ഥലത്തെ വൈദ്യുതബന്ധം
വിച്ഛേദിച്ചു. സമീപത്തെ വീടുകൾ ഉള്ളവരെ മാറ്റിപ്പാർപ്പിച്ചു കൊണ്ടിരിക്കുന്നു. കച്ചവടസ്ഥാപനങ്ങൾ അടപ്പിക്കുകയും ചെയ്തിട്ടുണ്ട്. പോലീസ്, ഫയർഫോഴ്സ് തുടങ്ങിയവരുടെ നേതൃത്വത്തിൽ രക്ഷാപ്രവർത്തനം പുരോഗമിക്കുന്നു.