മുഖ്യമന്ത്രി പിണറായി വിജയന്റെ പൊളിറ്റിക്കല്‍ സെക്രട്ടറി പുത്തലത്ത് ദിനേശന് പെന്‍ഷനും ആനുകൂല്യങ്ങളും അനുവദിച്ച് സര്‍ക്കാര്‍ ഉത്തരവ്. ഒന്നാം പിണറായി സര്‍ക്കാരിന്റെ കാലത്തുള്‍പ്പെടെ 6 വര്‍ഷം സേവന കാലയളവായി പരിഗണിച്ചാണ് ഉത്തരവ്. 2.88 ലക്ഷം ഗ്രാറ്റിവിറ്റിയായും 6.44 ലക്ഷം പെന്‍ഷന്‍ കമ്യൂട്ടേഷനായും അനുവദിച്ചു. കഴിഞ്ഞ മാസം 29നാണ് ഉത്തരവിറക്കിയത്.
6 വര്‍ഷം ജോലി ചെയ്ത വകയില്‍ ടെര്‍മിനല്‍ സറണ്ടറായി ആറു മാസത്തെ ശമ്പളവും ലഭിക്കും. പുത്തലത്ത് ദിനേശന്റെ ഒരു മാസത്തെ ശമ്പളം 1,30,000 രൂപയായിരുന്നു. അതുകൊണ്ട് ടെര്‍മിനല്‍ സറണ്ടറായി 7,80,000 രൂപ ദിനേശന് ലഭിക്കും.