ലോക ഫുട്‌ബോള്‍ ഇതിഹാസം പെലെയുടെ ആരോഗ്യനില ഗുരുതരം. ഇതുമൂലം കഴിഞ്ഞ ശനിഴാഴ്ച്ച താരത്തിന്റെ കുടുംബാംഗങ്ങള്‍ എല്ലാവരും ക്രിസ്തുമസ് ആഘോഷിച്ചത് അദ്ദേഹത്തോടൊപ്പം ആശുപത്രിയില്‍വച്ച് തന്നെയായിരുന്നു. പെലെയുടെ അര്‍ബുദബാധ കൂടുതല്‍ ഗുരുതരമായിക്കൊണ്ടിരുക്കുകയാണെന്ന് അദ്ദേഹത്തെ പരിചരിക്കുന്ന ഡോക്ടര്‍ അറിയിച്ചിരുന്നു.
ഹൃദയത്തെയും വൃക്കയെയും രോഗം ബാധിച്ചതിനാല്‍ തീവ്രപരിചരണം ആവശ്യമാണ്. കഴിഞ്ഞ വര്‍ഷം സെപ്റ്റംബറില്‍ അദ്ദേഹത്തിന്റെ വന്‍കുടല്‍ നീക്കം ചെയ്തതിന് ശേഷം ആശുപത്രി സന്ദര്‍ശനം പതിവായിരുന്നു. ഇതിനിടെ വീണ്ടും ആരോഗ്യനില മോശമായതിനെ തുടര്‍ന്നാണ് ആശുപത്രിയിലെത്തിച്ചത്. അവിടെവച്ച് മകള്‍ നാഷിമെന്റോയും ഫുട്‌ബോള്‍ താരമായിരുന്ന മകന്‍ എഡീഞ്ഞോയും എടുത്ത ചിത്രങ്ങള്‍ ഇതിനോടകം തന്നെ സാമൂഹ്യമാധ്യമങ്ങളില്‍ വൈറല്‍ ആണ്.