ചെന്നൈ: പ്രവാസി വ്യവസായിയും സംസ്ഥാന സര്‍ക്കാരിന്റെ നോര്‍ക്കറൂട്ട്‌സ് വൈസ് ചെയര്‍മാനുമായ പത്മശ്രീ അഡ്വ. സി.കെ മേനോന്‍ അന്തരിച്ചു. 70 വയസായിരുന്നു. ചെന്നൈ അപ്പോളോ ആശുപത്രിയില്‍ വെച്ചായിരുന്നു മരണം.
ഖത്തര്‍ ആസ്ഥാനമായ ബഹ്‌സാദ് ഗ്രൂപ്പിന്റെ സ്ഥാപകനും ചെയര്‍മാനുമാണ്. കോണ്‍ഗ്രസ് അനുഭാവ കലാസാസ്‌കാരിക പ്രവാസി സംഘടനയായ ഒ.ഐ.സി.സിയുടെ പ്രഥമ ഗ്ലോബല്‍ പ്രസിഡന്റും, ജയ്ഹിന്ദ് ടി.വി ഡയറക്ടര്‍ ബോര്‍ഡ് അംഗവും ആയിരുന്നു. ഇന്ത്യയിലും ഗള്‍ഫിലെ സാമൂഹ്യ സാസ്‌കാരിക വ്യവസായ രംഗങ്ങളിലും അദേഹം സജീവ സാന്നിധ്യം ആയിരുന്നു. സംസ്‌കാരം നാളെ തൃശൂരില്‍ നടക്കും. ഗള്‍ഫിലെ സാമൂഹിക – സാംസ്‌കാരിക വ്യവസായ രംഗങ്ങളില്‍ മിന്നിത്തിളങ്ങിയ മാനുഷിക മുഖമുള്ള മലയാളിയെയാണ് സി.കെ മേനോന്റെ നിര്യാണത്തോടെ നഷ്ടമാകുന്നത്.