പത്തനംതിട്ട കോട്ടയില്‍ അമ്മ ബക്കറ്റില്‍ ഉപേക്ഷിച്ച നവജാത ശിശുവിനെ ഇനി ശിശുക്ഷേമ സമിതി സംരക്ഷിക്കും. നവജാത ശിശുവിനെ കോട്ടയം മെഡിക്കല്‍ കോളേജ് വനിത ശിശുവികസന വകുപ്പിന് കൈമാറി. കുഞ്ഞിന്റെ പരിചരണത്തിനായി കെയര്‍ ഗിവറുടെ സേവനം ലഭ്യമാക്കിയിട്ടുണ്ട്. കുട്ടികളുടെ ആശുപത്രിയിലെ സൂപ്രണ്ട് ഡോ. ജയപ്രകാശിന്റെ നേതൃത്വത്തില്‍ പ്രത്യേക മെഡിക്കല്‍ സംഘം രൂപീകരിച്ചാണ് വിദഗ്ധ ചികിത്സ നല്‍കിയത്.നവജാത ശിശുവിനെ ജീവിതത്തിലേത്ത് കൈപിടിച്ചുയര്‍ത്തിയ കോട്ടയം മെഡിക്കല്‍ കോളേജിലെ മുഴുവന്‍ ടീമിനും ആരോഗ്യവകുപ്പ് മന്ത്രി അഭിനന്ദനമറിയിച്ചു.