കുളുവില്‍ പാരാഗ്ലൈഡിങ്ങ് ചെയ്യുന്നതിനിടെ യുവാവിന് ദാരുണാന്ത്യം. കുളുവിലെ ദോഭിയില്‍ പാരാഗ്ലൈഡിങ്ങ് ചെയ്യുന്നതിനിടെ അഞ്ഞൂറോളം അടി മുകളില്‍ നിന്നാണ് വീണത്. മഹാരാഷ്ട്ര സ്വദേശി സൂരജ് ഷാ (30) എന്നയാളാണ് മരിച്ചത്. സുരക്ഷാ ബെല്‍റ്റിന്റെ തകരാര്‍മൂലമാണ് അപകടമുണ്ടായതെന്നാണ് പ്രാഥമിക നിഗമനം. രണ്ടുപേര്‍ക്ക് ഒരേ സമയം പറക്കാവുന്ന പാരാഗ്ലൈഡറിലാണ് സൂരജ് കയറിയത്.
യാത്രക്കിടെ 500 അടി ഉയരത്തില്‍ നില്‍ക്കുെമ്പോഴാണ് സുരക്ഷാബെല്‍റ്റ് വിട്ട്‌പോവുകയും താഴേക്ക് വീഴുകയുമായിരുന്നു. ഉടനെ അടുത്തുള്ള ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. കൂടെയുണ്ടായിരുന്ന പൈലറ്റ് സുരക്ഷിതനാണ്. അദ്ദേഹത്തിനും പ്രാഥമിക ചികിത്സ നല്‍കിയിട്ടുണ്ടെന്ന് അധികൃതര്‍ അറിയിച്ചു. സുഹൃത്തുക്കള്‍ക്കൊപ്പം കുളു മണാലി കാണാന്‍ എത്തിയതായിരുന്നു സൂരജ്. സംഭവത്തില്‍ പോലീസ് കേസെടുത്ത് അന്വോഷണം ആരംഭിച്ചു.