പാലക്കാട് നല്ലേപ്പള്ളിയില്‍ ഭര്‍ത്താവ് ഭാര്യയെ വെട്ടിക്കൊലപ്പെടുത്തി. മാണിക്കത്ത് കളം സ്വദേശിനി ഊര്‍മ്മിള ആണ് മരിച്ചത്. 32 വയസ്സായിരുന്നു. കുടുംബ പ്രശ്‌നത്തെ തുടര്‍ന്ന് ഇരുവരും തമ്മില്‍ പിണങ്ങിക്കഴിയുകയായിരുന്നു. ഇന്ന് രാവിലെ ഭര്‍ത്താവ് ഊര്‍മ്മിളയുടെ വീട്ടിലെത്തുകയും ഇരുവരും തമ്മില്‍ വാക്കുതര്‍ക്കത്തില്‍ ഏര്‍പ്പെടുകയും ചെയ്തിരുന്നു.
പിന്നീട് ഊര്‍മ്മിള ജോലിക്ക് പോകുമ്പോള്‍ കമ്പിളിച്ചുങ്കത്തെ പാടത്തിന് സമീപം വെച്ച് ഭര്‍ത്താവ് ആക്രമിക്കുകയായിരുന്നു. വെട്ടേറ്റ ഊര്‍മ്മിള കണ്ട നാട്ടുകാര്‍ പെട്ടെന്ന് തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
വെട്ടിപരിക്കേല്‍പ്പിച്ച ശേഷം പ്രതി അവിടെ നിന്നും കടന്നുകളഞ്ഞു. ഇയാള്‍ക്കുവേണ്ടി പൊലീസ് തിരച്ചില്‍ നടത്തി വരികയാണ്. ആക്രമിക്കാന്‍ ഉപയോഗിച്ച ആയുധം പാടത്തിന് സമീപത്ത് നിന്ന് പൊലീസിന് ലഭിച്ചിട്ടുണ്ട്.